दाङ, माघ १ । राप्ती नदीमा डुबेर एकजना बेपत्ता भएका छन् । जिल्लाको राजपुर गाउँपालिका वडा नं. २ बेलाका २४ बर्षीय प्रदीप चौधरी बिहीवार दिउँसो नुहाउने क्रममा राप्तीमा बेपत्ता भएका हुन । जिल्ला प्रहरी प्रमुख एसपी गणेश चन्दका अनुसार उनी करिब १२ बजेतिर नुहाउन भनेर राप्ती नदीमा पसेका थिए ।
चौधरी बेपत्ता भएको खवर पछि नेपाल प्रहरी, सशस्त्र प्रहरीले खोजी गरेपनि फेला पार्न नसकिएको एसपी चन्दले बताए । शुक्रवार विहान पुनः ८ बजेपछि बेपत्ता चौधरीको खोजीका लागि नेपाली सेनासहितको टिम खटिने एसपी चन्दले जानकारी दिए । स्थानीयले बेपत्ता चौधरीले मदिरा सेवन गरेर नुहाउन भनी राप्तीमा पसेको बताएका छन् ।
प्रकाशित मिति : २०७७ माघ १ गते बिहिवार
