दाङ, पुस २० । बाँके प्रहरीले नलकटुवा पेस्तोलसहित एक किशोरलाई पक्राउ गरेको छ । जिल्लाको डुडुवा गाउँ दिपककुमार चौधरी (बर्मा) कटुवा पेस्तोलसहित पक्राउ परेका छन् । जिल्ला प्रहरी प्रमुख एसपी ओमबहादुर रानाका अनुसार प्रहरी टोलीले चौधरीलाई उनैले सञ्चालन गरेको घुम्ति पसलबाट आइतवार दिउँसो पक्राउ गरेको हो ।
चौधरीले अबैध रुपमा हातहतियारको कारोबार गरिरहेको भन्ने गोप्य सूचनाको आधारमा खटिएिको विशेष प्रहरी टोलीले उनले कम्मरमा बेल्टले बाँधि राखेको नलकटुवा पेस्तोल बरामद गरेको थियो ।
मुलुकी फौजदारी कार्यबिधि २०७४ को दफा १३० को उपदफा २ बमोजिम अबैध हतियारको कारोवारो गर्ने वा राख्नेलाई ७ बर्ष कैद र ७० हजारसम्म जरिवाना हुन सक्ने प्रावधान छ ।
यसैबीच एसपी राना प्रहरी प्रमुखको रुपमा बाँके आए यता हालसम्म भरुवा बन्दुक ५ थान, कटुवा पेस्तोल ३ थान, गोली १० राउण्ड गोलिसहित ७ पुरुष र १ महिला पक्राउ परेको पत्रकार सम्मेलनमा जानकारी दिइएको थियो ।
