तुलसीपुर, मंसिर २२ । धार्मिक तथा पर्यटकीय स्थल छिल्लीकोट अबलोकन गर्न गएकी एक किशोरीमाथि दिनदाहाडै मदिराले मातेका केही युवाहरुले दुव्र्यबहार गरेका छन् ।
छिल्लीकोटको भ्रमणका लागि पुगेकी १७ बर्षीया एक किशोरीमाथि शनिवार दिउँसो मदिराले मातेका तुलसीपुर उपमहानगरपालिका वडा नं. १९ छिल्लीकोटका २१ बर्षीय बलदेब परियारसहितको ४÷५ जना युवाहरुको समुहले दुव्र्यबहार गरेका थिए ।
‘शनिवार दिउँसो तुलसीपुर बजार क्षेत्रवाट पर्यटकीय तथा धार्मिक स्थल छिल्लीकोटको भ्रमणका लागि दाजु, बहिनी र केही आफन्त पुगेका रहेछन्,’ इलाका प्रहरी कार्यालय तुलसीपुरका प्रबक्ता झलकप्रशाद शर्माले भने ‘ दिउँसो एक डेढ बजेतिर पानी ट्याङ्की नजिकै परियारले ती किशोरीमाथि दुव्र्यबहार र हातपात गरेका रहेछन्।’
बहिनीमाथि जवरजस्ती गरेपपछि उनका १९ बर्षीय दाजुले त्यो रोक्न खोज्दा उनीमाथि समेत युवाहरुको समुहले निर्घात कुटपिट गरेको थियो । घाइते युवकको हाल बाँकेको कोहलपुर मेडिकल कलेजमा उपचार भइरहेको प्रहरी निरिक्षक शर्माले बताए । आरोपित परियारलाई प्रहरीले सोही दिन पक्राउ गरेको र अन्य युवाहरु फरार रहेको प्रहरीले बताएको छ ।
परियार विरुद्ध जवरजस्ती करणी शिर्षकमा मुद्दा चलाएर कानुनी कारवाहीको प्रक्रिया अगाडि बढाएको प्रहरी निरिक्षक शर्मालेले फरककोणलाई बताए ।
किशोरीमाथि जोरजवरजस्ती हातपात र दुव्र्यबहार परियार एक्लैले गरेको भएपनि उनका दाजुलाई अन्य ४÷५ जना युवाहरुले पनि कुटपिट गरेको प्रहरीले बताएको छ । फरार अन्य युवाहरुको खोजी भइरहेको प्रहरीले बताएको छ ।
