तुलसीपुर, मंसिर ४ । मालपोत कार्यालय तुलसीपुरबाट करार सेवाका एक कर्मचारी स्रोत नखुलेको रकमसहित पक्राउ परेका छन् ।
पक्राउ पर्नेमा करार सेवामा कार्यरत कार्यालय सहयोगी मिनराज गैरे रहेको अख्तियार दुरुपयोग अनुसन्धान आयोगका प्रबक्ता तारानाथ अधिकारीले फरकोणलाई बताए ।
अख्तियारको टोलीले स्रोत नखुलेको ३ लाख २० हजार नगद रकमसहित गैरेलाई शुक्रवार दिउँसो गोप्य सूचनाको आधारमा पक्राउ गरेको हो ।
अख्यिारका केन्द्रीय प्रबक्ता अधिकारीले पक्राउ परेका व्यक्ति उपर आवश्यक अनुसन्धान जारी रहेको बताए ।
गैरेले काम बनाइदिने भन्दै सेवाग्राहीवाट उक्त रकम बुझेपछि अख्तियारको टोलीले गैरेलाई नियन्त्रणमा लिएको थियो ।
प्रकाशित मिति : २०७७ मङ्सिर ५ गते शुक्रवार
