काठमाडौं, कात्तिक २ । व्यापक आलोचना पछि दसैं भत्ता बुझेका केही सांसदहरूले भत्ता फिर्ता गर्ने घोषणा गरेका छन् ।
कोरोना भाइरसको महामारीको समयमा सरकारवाट दसैं भत्ता पाएका केही सांसदहरुले व्यापक आलोचना पछि त्यो फिर्ता गर्न थालेका छन् ।
त्यसरी भत्ता फिर्ता गर्नेहरुमा प्रमुख प्रतिपक्षी नेपाली कांग्रेसका सांसद, बालकृष्ण खाँण, गगन थापाले रकम फिर्ता गरेका छन् ।
त्यस्तै सत्तारूढ नेपाल कम्युनिष्ट पार्टी नेकपाका सांसदहरु नारायणकाजी श्रेष्ठ, भीम रावल, जनार्दन शर्मा , देवेन्द्र पौडेललगायतले भत्ता फिर्ता गर्ने घोषणा गरेका छन् ।
सांसदको खातामा दसैं भत्ता बापत ६४ हजार ७० रुपैंया आएको थियो। त्यो भत्ता फिर्ता गरेका सांसद मध्य कतिपयले त्यो रकम भेन्टिलेटर खरिदमा लगाउने घोषणा गरेका छन् ।
प्रकाशित मिति : २०७७ कार्तिक २ गते आइतवार
