तुलसीपुर, असोज २५ । जिल्ला प्रशासन कार्यालय घोराहीमा कार्यरत एकजना कर्मचारीलाई कोरोना संक्रमन पुष्टि भएपछि कार्यालय वन्द गरिएको छ ।
कर्मचारीलाई शान्ति सुरक्षा र मुद्दा बाहेक अन्य सबै सेवा असोज २५ गतेदेखि ३० गतेसम्मको लागि वन्द गरिएको हो ।
प्रशासकीय अधिकृत अम्मरराज शर्माले आइतवार एक विज्ञप्ती मार्फत त्यस्तो जानकारी दिएका छन् ।
कार्यालयका एकजना कर्मचारीलाई कोरोना संक्रमन पुष्टि भएपछि अन्य केही कर्मचारीको पनि स्वाब परीक्षणका लागि पठाइएको हुँदा सेवा बन्द गर्नु परेको जानकारी दिइएको छ ।
प्रकाशित मिति : २०७७ असोज २५ गते आइतवार
