तुलसीपुर, असोज २१ । युथ अफ तुलसीपुरले बुधवार विहान तुलसीपुरमा प्रदर्शन गरेको छ । उनीहरुले प्रदर्शनका क्रममा बलात्कारीलाई मृत्यु दण्डको माग गरेका थिए ।
‘हिजो निर्मला, आज संझना, भोलि हजुरको कोही …? ’ लेखिएको व्यानरको मुन्तिर बलात्कारीलाई मृत्यु दण्डको व्यवस्था गर्न माग गरेका थिए ।
तुलसीपुरको एकान्त होटेल चोकवाट सुरु भएको उक्त ¥याली बीरेन्द्र चोकदेखि सितलपुर चोकसम्म पुगेर तुलसीपुर उपमहानगरपालिका अगाडि आएर कोण सभामा परिणत भएको थियो ।
युथ तुलसीपुरका अध्यक्ष वशन्त गिरीको अध्यक्षतामा भएको कार्यक्रमा एडमिन अरुण लहरे, आकाश भण्डारी लगाएले सम्वोधन गरेका थिए ।
उनीहरुले बलात्कारीलाई कडा भन्दा कडा कानुन नहुँदासम्म बलात्कारका घटना दोहरी रहने भन्दै मृत्यु दण्डको व्यवस्था गर्न मागपनि गरेका थिए ।
उपाध्यक्ष निशा कुँवरको स्वागत मनतब्यवाट कार्यक्रम सुरु भएको थियो ।
कार्यक्रमपछि तुलसीपुर उपमहानगरपालिकामा पुगेर उनीहरुले सोही आसयको ज्ञापन पत्र बुझाएका थिए ।
