तुलसीपुर, चैत २३ । दाङ तुलसीपुर रक्षाचौरस्थित गुरुजजुर नमुना माविको क्वारेन्टाईनमा आइतवारसम्म ११ जनालाई राखिएको छ । त्यसमा दुबईवाट आएका तुलसीपुर उपमहानगरपालिका वडा नं. १४ ड्वाँङपुरका दुई जना र भारतको विभिन्न स्थानवाट आएका अन्य नौं जना रहेका छन् ।
तुलसीपुरका जनश्वास्थ्य निरिक्षक विमल केसीका अनुसार ११ जना मध्य दुबईवाट आएका दुईजनाको स्वाब परीक्षणको लागि पहिलो लटमा काठमाडौं पठाउने तयारी गरिएको छ । तर उनले, क्वारेन्टाईनम बसेका कसैमा पनि हालसम्म कुनै प्रकारको स्वास्थ्य समस्या देखिएको छैन ।
तुलसीपुरका १९ वडामा कुल दुई सय ८७ जना मानिसहरु विदेशवाट घर फर्किएको तथ्याङ्क रहेको जनश्वास्थ्य निरिक्षक केसीले जानकारी दिए ।
दाङ जिल्लाका कोरोना फोकल पर्सन कमल चन्दका अनुसार बबई गाउँपालिकामा २ जना र घोराहीमा थप ३ जना क्वारेन्टाइनमा रहेका छन् । त्यो बाहेक जिल्लामा कतैपनि अरु मानिस क्वारेन्टाइनमा बसेका छैनन् ।
