२०८१ जेष्ठ १३ गते आइतवार

राप्ती प्रतिष्ठानमा प्रसुति गराउन आउने महिलाको संख्या बृद्धि

घोराही, पुस ५ । राप्ती स्वास्थ्य विज्ञान प्रतिष्ठानवाट चालु आर्थिक वर्षको गएको दुई महीनाको अवधिमा ८ हजार विरामीले स्वास्थ्य सेवा पाएका छन् । प्रतिष्ठानका शाखा अधिकृत झंकार लामीछानेले पछिल्लो दुई महीनाको अवधिमा अस्पतालको सेवा थप सुधार हुँदै गएको बताए । लामिछानेका अनुसार असोज महीनामा ओपिडिमा २ हजार ३ सय २४ जना र इमरजेन्सि कक्षवाट २ हजार ४ सय १६ जना विरामिले अस्पतालवाट उपचार पाएका छन् ।

जसअनुसार ल्याव टेष्ट १ हजार ५ सय ३५ जना र डाइगोनिष्टक सेवा २ हजार ९ सय ९४ जना विरामीले सेवा पाएका छन् । प्रतिष्ठानका प्रशासनका अधिकृत लामिछानेले असोजमा ९८ जना विरामीको सर्जरी भएको बताए । जसमा गम्भिर प्रकृतिको ५८ र सामान्य ४० जना विरामिको सर्जरी भएको छ ।

प्रतिष्ठानका अर्का शाखा अधिकृत मेघराज अधिकारीले सो महीनामा ४६ जनाले प्रसुति सेवा पाएका छन् । अधिकारीले दिएको जानकारी अनुसार ओपिडिमा ३ हजार ४ सय ६९ र इमरजेन्सि कक्षवाट १ हजार ७ सय ११ जना विरामिले अस्पतालवाट उपचार पाएका छन् ।

कार्तिक महीनामा मात्रै ६ हजार ४५ जनाले ल्याव टेष्ट गराएका छन् भने डाइग्नोष्टिक सेवा ८ हजार २ सय २ जनाले पाएका छन् । अधिकृत अधिकारीले सो महीनामा १ सय ९५ जना विरामिको सर्जरी भएको छ । जसमा गम्भिर प्रकृतिको ६३ र मध्यम र सामान्य गरेर १ सय ३२ जना विरामिको सर्जरी भएको छ । कार्तिक १ गतेवाट प्रतिष्ठानलाई सरकारले बजेट दिएपछि प्रसुति सेवा निशुल्क भएको थियो ।

प्रतिष्ठानमा प्रसुति गराउन जाने महीलाले अहिले सुत्केरी भक्ता पाउन थालेपछि खुसि भएका छन् । अस्पतालमा सुत्केरी गराउन आउने महीलाको सख्या बढ्दै गएको शाखा अधिकृत अधिकारीले बताए । उनले कार्तिकमा ३ सय १५ जना महीलाले प्रतिष्ठानमा आएर सुत्केरी गराएको पनि जानकारी दिए ।

प्रकाशित मिति : २०७६ पुष ५ गते शनिवार
प्रतिक्रिया दिनुहोस

Leave a Reply

Your email address will not be published. Required fields are marked *