हापुरे,कात्तिक २९ । पिपुल्स ल्याण्ड सेकेन्डरी बोर्डिङ स्कुल बबई ४ हापुरेको आयोजनामा नृत्य प्रतियोगिता सम्पन्न भएको छ ।
पूर्व प्राथमिक तह इन्चार्ज मनिषा केसीको अध्यक्षता तथा विद्यालयमा प्रधानाध्यापक शान्त बस्नेतको प्रमुख आतिथ्यतामा प्रतियोगिता सम्पन्न भएको हो ।
प्रतियोगितामा कक्षा एल के जीतर्फ करुणा विश्वकर्मा प्रथम, विशाक्षी बस्नेत द्वितीय र ललिता बुढा तृतीय भएका थिए ।
त्यसैगरी यु के जीतर्फ कृतम पुरी प्रथम, करिष्मा घर्ती द्वितीय र विष्णु रोकाले तृतीय स्थान हासिल गरेका थिए । प्रतियोगिताको निर्णायक मण्डलमा अमृता विश्वकर्मा कविता केसी गोमा केसी ढकाल रहेका थिए ।
कार्यक्रमको सञ्चालन शिक्षक संगीत विश्वकर्माले गरेका थिए ।
प्रकाशित मिति : २०७६ कार्तिक २९ गते शुक्रवार
