दाङ,साउन ५ । मानव अधिकार तथा शान्ति समाज नेपालले आफ्नो राष्ट्रिय परिषद बैठक दाङमा गर्ने निर्णय गरेको छ । केन्द्रिय कार्यसमितिले राष्ट्रिय परीषद बैठक आगामी मंसिर २७ र २८ गते दाङमा गर्ने निर्णय गरेको हो ।
यता समाज दाङका सभापति शरद रेग्मीको अध्यक्षतामा वसेको बैठकले राष्ट्रिय परिषद बैठक दाङमा गर्ने अवसर दिएकोमा केन्द्रिय कार्यसमितिलाइ आभार प्रकट गरेको छ । बैठकले राष्ट्रिय परिषद बैठकले दाङसहित यस क्षेत्रको प्रयटन प्रबद्र्धन,शान्ति स्थापना टेवा पुग्ने अपेक्षा गरेको छ ।
राष्ट्रिय परीषद बैठक सम्पन्न गर्न विभिन्न उपसमिति गठन गर्न जिल्लाका सरोकार वाला संगको भेटघाट र छलफललाइ अगाडी बढाउने गृहकार्य सुरु भएको सभापति रेग्मीले बताए ।
त्यस्तै बैठकले साउन १० गते तुलसीपुरको हिमाल एकाडेमीमा लागु पदार्थ दुर्वेशनी तथा सचेतना अभियान संचालन गर्ने निर्णय गरेको छ । १८ गते शनिवार तुलसीपुरस्थित रिपोटर्स क्लवको सभाहलमा एक दिने मानव अधिकार सम्वन्धि अभिमुखिकरण आयोजना गर्ने निर्णय गरेको छ।
त्यसको जिम्म्मा कोषाध्यक्ष अमृतकाजी शर्मा प्रदान गरिएको छ । बैठकले दाङ शाखाको साधारण सभा भदौ ७ गते शनिवार तुलसीपुरमा गर्ने निर्णय गरेको समाजको सचिव निर्मला योगीले जानकारी दिइन ।
