दाङ, असोज ३१ । रोल्पा जिल्लामा दूई जना पुरुष मृत अवस्थामा फेला परेका छन् । एक जनाको मृत्यु भिरबाट खसेर र अर्का एक जनाको पानीमा डुबेर मृत्यु भएको छ ।
रोल्पा नगरपालिका वडा नं. ७ डाङडुङेका ६४ बर्षीय धनसर पुन माडी खोलामा डुबेर मृत्यु भएको अवस्थामा फेला परेका छन् ।
रोल्पाका प्रहरी प्रमुख डिएसपी नरेश सुबेदीका अनुसार आइतबार बेलुकी पख माडी खोलामा डुेबको अवस्थामा पुन मृत अवस्थामा फेला परेका हुन ।
शब पोष्ट मार्टमका लागि जिल्ला अस्पताल खलंगामा लगिएको डिएसपी सुबेदीले जानकारी दिए । डाङडुङेका पुन शनिबार बेलुका घरबाट निस्किएको भन्ने खुल्न आएको डिएसपी सुबेदीले बताए ।
त्यस्तै जिल्लाको सुनछहरी गाउँपालिका वडा नं. ५ पुवाङका ६३ बर्षीय सुन्तु पुनको भिरबाट लडेर मृत्यु भएको छ । डिएसपी सुबेदीका अनुसार शनिबार बेलुकी गोठ तर्फ जाने क्रममा पुन भिरबाट लडेको हुन सक्ने आशंका गरिएको छ । उनको शव झन्डै दूई सय मिटर तल आइतबार बिहान फेला परेको प्रहरीले जानकारी दिएको छ ।
मदिरा सेबन गरि हिडेका कारण पुन भिरबाट लड्न पुगेको आशंका भइ रहेको डिएसपी सुबेदीले बताए । पुनको शव पोष्ट मार्टम पछि आफन्तलाई शब बुझाइएको प्रहरीले जनाएको छ ।
