भदौ १६। बितेको २४ घन्टामा देशभर १ हजार ६९ जना कोरोना संक्रमित थपिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन ।
नेपालभर हालसम्म कोरोना संक्रमितको संख्या ४० हजार ५ सय २९ पुगेको छ। बितेको २४ घण्टामा ७ सय ६८ जना कोरोनाबाट निको भएर डिस्चार्ज भएका छन् । हालसम्म कोरोनाबाट निको हुनेको संख्या २२ हजार १ सय ७८ पुगेको छ।
देशभर सक्रिय संक्रमितको संख्या १८ हजार ११२ रहेको छ । त्यस्तै बितेको २४ घण्टामा कोरोनाबाट ११ जनाको मृत्यु भएको छ। यीसहित कोरोनाबाट हालसम्म मृत्यु हुनेको संख्या २ सय ३९ पुगेको छ।
प्रकाशित मिति : २०७७ भाद्र १६ गते मङ्गलवार
