सुर्खेत,भदौ २८ । कर्णाली राजमार्ग सञ्चालनमा आएको केहीबेरपछि नै गुडिरहेको गाडीमा माथिबाट पहिरो खसेको छ ।
दुई दिनदेखि अवरुद्ध कर्णाली राजमार्ग शुक्रबार दिउँसोदेखि मात्र सञ्चालनमा आएको थियो । कालीकोटको हुल्म नजिक गुडिरहेको गाडीमा माथिबाट पहिरो खसेको हो ।
गाडी पूर्णरूपमा क्षतिग्रस्त भएपनि मानवीय क्षति भने नभएको कालीकोट प्रहरीले जनाएको छ ।
गाडीमा रहेका चालक र सहचालकले भने भागेर ज्यान जोगाएका छन् । यात्री झारेर अगाडि बढ्दा गाडीमा पहिरो खसेको थियो ।
प्रकाशित मिति : २०८१ भाद्र २८ गते शुक्रवार
