काठमाण्डौ,पुस २६ । सरकाले भोलि पुस २७ गते सार्वजनिक विदा दिने निर्णय गरेको छ ।
सोमबार बसेको मन्त्रीपरिषद् बैठकले पुस २७ गते नेपाल एकीकरणका नायक पृथ्वीनारायण शाहको जन्म दिनका दिन सार्वजनिक बिदा दिने निर्णय गरेको हो ।
सरकाले सार्वजनिक विदाको निर्णय गरेपछि भोलि सेयर बजारको दोस्रो बजार कारोबार समेत बन्द हुनेछ ।
सत्ता गठबन्धनमा सहभागी राप्रपाले पृथ्वी जयन्तीमा सार्वजनिक बिदा दिनुपर्ने विषयलाई सर्तका रुपमा अघि सारेको थियो ।
एमाले पनि यसमा सकारात्मक रहेकाले यो निर्णय सहज भएको हो ।
प्रकाशित मिति : २०७९ पुष २६ गते मङ्गलवार
