घोराही, बैशाख २६ । नारायणपुर उद्योग वाणिज्य संघले आइसोलेसन निर्माण गर्न आफ्नो भवन उपलब्ध गराउने भएको छ ।
संघको आइतबार बसेको बैठकले आवश्यक परे संघको भवन आइसोलेसन निर्माणका लागि उपलब्ध गराउने निर्णय गरेको हो । त्यस्तै बैठकले बजारका विभिन्न स्थानमा सर्वसाधारणलाई कोरोना भाइरसबाट जोगाउन हात धुने तथा पिउने पानीको व्यवस्थापन गर्ने निर्णय पनि गरेको छ ।
बैठकले बिहानको समयमा बजार क्षेत्रमा देखिएको भीडभाडलाई व्यवस्थापन गर्न पहल गर्ने, नारायणपुरमा अस्थायी कोभिड अस्पतालको लागि पहल गर्ने, नारायणपुरमै पिसिआर जाँचको लागि समन्वय गर्ने निर्णयपनि गरेको छ ।
प्रकाशित मिति : २०७८ बैशाख २६ गते आइतवार
