दाङ, कात्तिक १९। बाँकेमा दुई मोटरसाइकल आपसमा ठोक्किदा एक जनाको मृत्यु भएको छ भने अर्का गम्भीर घाइते भएका छन् ।
जिल्लाको नेपालगञ्ज उपमहानगरपालिका – ११ का सरदरलाइनका २६ बर्षीय अमनकुमार कसौधनको मृत्यु भएको जिल्ला प्रहरी प्रमुख एसपी तुलबहादुर कार्कीले जानकारी दिए ।
दुर्घटनामा नेपालगञ्ज – ४ का १८ बर्षीय रोशन सेख गम्भीर घाइते छन् । सेखलाई नेपालगञ्जको उपचार पछि थप उपचारका लागि भारतको लखनउ लगिएको छ ।
आइतरबार बेलुकी ८ बजेतिर नेपालगञ्ज – ४ बसपार्कबाट बाइपास रोड हुँदै गणेशपुरतर्फ जाँदै गरेको मृतक कसौधनले चलाएको भे ६ प ८०२ नम्बरको मोटरसाइकल र घाइते सेखले चलाएको बिपरित दिसातर्फ आउँदै गरेको भे ३ प ७१७१ नम्बरको मोटरसाइकल एक आपसमा ठोक्किएका थिए ।
दुर्घटना लगतै घाइतेलाई नेपालगञ्ज नर्सिङहोमा पु¥याइएको थियो । चिकित्सकले कसौधनलाई तत्कालै मृत घोषणा गरेका थिए ।
दुर्घटनाबारे थप अनुसन्धान हुन बाँकी रहेको प्रहरीले जानकारी दिएको छ ।
