दाङ, भदौ २८ । पाल्पामा खोलाले बगाउँदा एक जनाको मृत्यु भएको छ ।
शुक्रबार दिउँसो तीन बजेतिर पाल्पाको माथागढी गाउँपालिका – ४ सुर्काबासस्थित झुम्साखोला तर्ने क्रममा बगेका तिनाउ गाउँपालिका – ४ बिजनचौरका ५३ बर्षीय शेरबहादुर चौहानको शब फेला परेको छ ।
बगेको ठाउँदेखि झन्डै एक सय ५० मिटर दक्षिणमा खोलाको बीच भागमा उनको शब फेला परेको थियो ।
पाल्पाका प्रहरी प्रबक्ता प्रहरी नायव उपरीक्षक सुगन्ध श्रेष्ठले शब पोष्टमार्टमका लागि जिल्ला अस्पतालमा पठाइएको जानकारी दिए । घटनाबारे थप अनुसन्धान भइ रहेको उनले बताए ।
प्रकाशित मिति : २०८१ भाद्र २८ गते शुक्रवार
