तुलसीपुर, भदौ ७ ।
तुलसीपुरको साततले भिरवाट शुक्रबार दिउँसो एउटा टिप्पर खसेको छ । रोल्पाबाट चुनढुङ्गा लिएर कपुरकोट हुँदै दाङको तुलसीपुरतर्फ आउँदै गरेको दुर्घटनाग्रस्त अवस्थामा फेला परेको हो । टिप्पर तुलसीपुर उपमहानगरपालिका–३ साततले नजिकैको भिरबाट एक सय मिटर तल खसेको अवस्थमा फेला परेको हो ।
ईलाका प्रहरी कार्यालय तुलसीपुरका प्रहरी निरीक्षक प्रहरी प्रवक्ता प्रकाश थापाले रोल्पावाट चुनढुङ्गा बोकेर सल्यान कपुरकोट हुँदै दाङको तुलसीपुरतर्फ आउँदै गरेको टिप्पर दिउँसो पौने ३ बजेतिर दुर्घटनामा परेको अवस्थामा फेला परेको जानकारी दिए ।
हालसम्म टिप्पर चालक फेला नपरेको थापाले बताए । दुर्घटनास्थलमा कुनै मानवीय क्षति भएको नदेखिएको र हालसम्म चालक फेला नपरेको उनले जानकारी दिए । चालक र सहचालकको खोजी भइरहेको तथा दुर्घटनाको कारण खुली नसकेको प्रहरीले बताएको छ । दुर्घटनाबारे अनुसन्धान जारी रहेको प्रहरीले जानकारी दिएको छ ।
