तुलसीपुर, भदौ ४ । मोटरसाइकल चोरीको आरोपमा चार जना पक्राउ परेका छन् ।
पक्राउ पर्नेमा तुलसीपुर उपमहानगरपालिका – ५ का बिष्णु चौधरी , तुलसीपुर – १८ हेमन्तपुरका देवदास देवकोटा, सोही ठाउँका श्रीजन रिजाल र शिशिर खड्का रहेका छन् ।
उनीहरु तुलसीपुर – १५ पहरुवास्थित नर्सरी भित्र दुई वटा मोटरसाइकलका पाटपूर्जा खोलिरहेको अवस्थामा पक्राउ परेको जिल्ला प्रहरी प्रबक्ता डिएसपी रामप्रशाद तिमल्सिनाले बताए ।
रा ८ प ३३५८ नम्बरको २२० सिसीको पल्सर मोटरसाइकल र रा ६ प ७७४१ नम्बरको २२० सिसीको पल्सर मोटरसाइकलको पाजपूर्जा खोलिरहेको अवस्थमा पक्राउ परेको प्रहरीले जानकारी दिएको छ ।
पक्राउ परेका युवाहरु बारे थप अनुसन्धान भइ रहेको पनि प्रहरीले बताएको छ ।
प्रकाशित मिति : २०८१ भाद्र ४ गते मङ्गलवार
