तुलसीपुर, साउन २० । दाङको घोराहीमा टिप्परको ठक्करबाट एक युवकको मृत्यु भएको छ ।
टिप्परको ठक्करaबाट गम्भीर घाइते घोराही उपमहानगरपलिका – १५ का ३९ बर्षीय कुलबहादुर बस्नेतको उपचारका क्रममा राप्ती स्वास्थ्य बिज्ञान प्रतिष्ठानमा मृaत्यु भएको जिल्ला प्रहरी कार्यालय दाङले जानकारी दिएको छ ।
तुलसीपुर – घोराही सडक खण्ड अन्तरगत शुक्रबार बेलुका सवा ८ बजेतिर बस्नेत सवार बा ५८ प ५६०५ नम्बरको मोटरसाइकललाई लु २ ख ५०८५ नम्बरको टिप्परले घोराही – १० अम्राई नजिकै ठक्कर दिएको थियो ।
टिप्पर घोराहीबाट तुलसीपुर तर्फ आउँदै थियो भने मोटरसाइकल घोराही तर्फ जाँदै थियो । गम्भीर घाइते बस्नेतको उपचारका क्रममा मृत्यु भएको प्रहरीले जानकारी दिएको छ ।
टिप्पर चालक प्रहरी नियन्त्रणमा छन् ।
प्रकाशित मिति : २०८१ साउन २० गते आइतवार
