तुलसीपुर, साउन १४ । दाङको देउखुरीमा आँफैले चलाएको मोटरसाइकल दुर्घटनामा परि एक जनाको मृत्यु भएको छ ।
मृतक बाँकेको कोहलपुर नगरपालिका – १० का ५६ बर्षीय पोष्करबहादुर सुनार रहेको प्रहरीले जानकारी दिएको छ ।
बिहान साढे ९ बजेतिर रा ३ प ७११४ नम्बरको मोटरसाइकलबाट पश्चिम अमिलिया हुँदै पूर्व लमही तर्फ जाँदै गर्दा लमही नगरपालिका – ८ असानी भन्ने ठाउँमा सुनार सवार मोटरसाइकल दुर्घटना परेको थियो ।
पूर्व पश्चिम राजमार्ग अन्तरगतको असानीमा दुर्घटनामा परेका सुनारलाई प्रहरीले उद्धार गरि लमही अस्पताल पु¥याएको थियो । उपचारका क्रममा सोही अस्पतालमा बिहान ११ बजेपछि सुनारको मृत्यु भएको सतबरिया प्रहरी चौकिका ईन्चार्ज कुलबहादुर लामछानेले जानकारी दिए ।
मृतकको साथमा रहेका काजजातका आधारमा उनको सनाखद गरिएका प्रहरीले बताएको छ ।
प्रकाशित मिति : २०८१ साउन १४ गते सोमवार
