काठमाडौं, साउन ९ । त्रिभुवन अन्तराष्ट्रिय बिमान स्थलको धावन मार्गबाट चिफ्लिएर दुर्घटनामा हुँदा अधिकाँसको मृत्यु भएको जनाइएको छ ।
जहाजमा रहेका क्याप्टेन ३७ वर्षीय मनीष शाक्यलाई उद्धार गरी केएमसी अस्पतालमा उपचारका लागि लगिएको छ । जहाँजमा दुई जना क्याप्टेन थिए ।
जहाजमा सबै सौर्य एयरलाइन्सका कर्मचारी मात्रै सवार रहेको खुलेको छ ।
बुधबार बिहान उड्ने क्रममा सौर्य एयरलाइन्सको जहाज धावन मार्गबाट चिफ्लिएर दुर्घटनामा परेको थियो । काठमाडौंबाट पोखराका लागि उड्न थालेको जहाजमा १९ जना यात्रु रहेको जानकारी दिएको
नेपाल उड्डयन प्राधिकरणले जानकारी दिएको छ ।
सौर्यको ९ एन ÷ एएमईरसीआरजे २०० कलसाइनको जहाज बुधबार बिहान ११ बजेर ११ मिनेटमा उड्ने क्रममा दुर्घटनामा परेको नागरिक उड्यान प्राधिकरणका सूचना अधिकारी ज्ञानेन्द्र भुलले जानकारी दिए। जहाज रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको थियो ।
जहाजबाट धुवाँको मुस्लो देखिएको छ । जहाज दुर्घटना स्थलमा अग्निनियन्त्रक, प्रहरी र नेपाली सेना परिचालन गरि उद्धारको कार्य जारी छ ।
