तुलसीपुर , असार १५ । दाङको राजपुरमा चट्याङ लागेर एक जना महिलाको मृत्यु भएको छ ।
जिल्लाको राजपुर गाउँपालिका – २ मटेरियाकी ४० बर्षीया भूमिसरा बुढा मगरको मृत्यु भएको छ ।
जिल्ला प्रहरी कार्यालय दाङका प्रहरी निरीक्षक सुशिल थापा मगरले आफ्नै खेतमा काम गरिरहेकी बुढा मगरलाई शुक्रबार बेलुका साढे ७ बजेतिर चट्याङले हानेको बताए ।
घाइतेलाई उपचारका लागि लमही अस्पताल लमहीमा लगिएकोमा चिकित्सकले राति १० बजेर १० मिनेटमा मृत घोषणा गरेका थिए ।
प्रकाशित मिति : २०८१ असार १६ गते शनिवार
