तुलसीपुर,साउन ८ । दाङमा सर्पको टोकाइबाट एक किशोरको मृत्यु भएको छ ।
सल्यान बागचौर नगरपालिका–४ पेदीखोला घर भई दाङको शान्तिनगर गाउँपालिका–७ मामाघरमा आएका १६ वर्षिय मनोज वलीको सर्पको टोकाइबाट मृत्यु भएको हो ।
सोमबार बिहान १ बजेतिर सर्पले टोक्दा गम्भीर बिरामी भएका वलीको राप्ती स्वास्थ्य विज्ञान प्रतिष्ठानमा उपचारका क्रममा मृत्यु भएको इलाका प्रहरी कार्यालय तुलसीपुरका प्रमुख डिएसपी पुष्पराज मल्ले जानकारी दिए ।
राप्ती प्रादेशिक अस्पताल तुलसीपुरमा सामान्य उपचारपछि थप उपचारकालागि प्रतिष्ठानमा लगिएको थियो ।
प्रकाशित मिति : २०८० साउन ८ गते सोमवार
