दाङ, जेठ २५। लुम्बिनी प्रदेशका मुख्यमन्त्री डिल्लीबहादुर चौधरीले पूर्व राष्ट्रिय सभा सदस्य तथा पूर्व राज्यमन्त्री महेश चौधरीको निधन प्रति दुः ख व्यक्त गरेका छन् ।
जेठ २४ गते महेश चौधरीको राप्ती स्वास्थ्य विज्ञान प्रतिष्ठानमा उपचारको क्रममा निधन भएको थियो । चौधरीको निधनले प्रदेशलाई नै क्षति पुगेको मुख्यमन्त्री चौधरीले शोक बक्तब्यमा उल्लेख गरेका छन् ।
राजनीतिक अगुवा, थारु इतिहासका जानकार, बौद्धिक व्यत्तित्व चौधरीको निधनले ठूलो क्षति पुगेको मुख्यमन्त्रीले जारी गरेको शोक बक्तब्यमा उल्लेख छ ।
‘लुम्बिनी प्रदेशकै एक इतिहास तथा अब्बल व्यक्ति चौधरीको निधनले प्रदेशलाई नै ठूलो क्षति पुगेको छ,’ मुख्यमन्त्रीले जारीको शोक बक्तव्यमा भनिएको छ ‘मृतक चौधरीको चीर शान्तिको कामना गर्दै परिवार जनप्रति समवेदन प्रकट गर्दछु।’
महेश चौधरी २०४८ सालमा राष्ट्रिय सभा सदस्य र २०५४ सालमा स्थानीय विकास राज्यमन्त्री भएका थिए । उनी धर्म, संस्कृति, भाषा सस्कृति र इतिहासका संरक्षकपनि मानिन्छन ।
