तुलसीपुर,जेठ २ घोराही उपमहानगरपालिकामा ४९ हजार बढी मत गणना हुँदा नेकपा एमालेका मेयर पदका उम्मेदवार नरुलाल चौधरीलाइ अग्रता कायमै छ ।
४९ हजार १ सय ४७ मत गणना गर्दा नरुलालले १३ हजार १ र गठबन्धनको तर्फबाट नेकपा माओबादीका उम्मेदवार हेमराज शर्माले ११ हजार १ सय ७४ मत प्राप्त गरेका छन् । उनीहरु बीचको मतान्तर १८२८ रहेको छ ।
त्यस्तै उपमेयरमा एमालेकी उपमेयर पदकी उम्मेदवार हुमा डिसीले १२ हजार ५ सय २२ मत प्राप्त गरेकी छन् भने गठबन्धनबाट नेपाली काँग्रेसका भुपबहादुर डाँगीले १२ हजार ४ सय ५० मत प्राप्त गरेका छन ।
उनीहरु बीचको मतान्तर ७२ रहेको छ । घोराही उपमहानगरपालिकामा ७६ हजार ५ सय २१ मत खसेको थियो ।
प्रकाशित मिति : २०७९ जेष्ठ २ गते सोमवार
