दाङ,बैशाख ३० । आज शुक्रवार भैरहेको स्थानीय तहको निर्वाचनमा दाङमा दिउंसो १२ः ०० बजेसम्म ३५ प्रतिशत मत खसेको छ ।
प्रदेश निर्वाचन अधिकारी नारायणप्रसाद भण्डारीका अनुसार बिहान ७ बजेदेखि १२ बजेसम्म ३५ प्रतिशतको हाराहारीमा मतदान भएको हो ।
दाङका सवै केन्द्रमा शान्तिपुर्ण तरिकाले मतदान भईरहेको उनले जानकारी दिए ।
‘अहिले सबै मतदान केन्द्रबाट रिपोर्ट लिने काम जारी छ, उनले भने,‘३५ प्रतिशत मतदान भएको हुन सक्ने अनुमान गरिएको छ ।’
दाङमा कुल ४ सय ६१ मतदान केन्द्र, एक सय ५३ मतदान स्थल तय गरिएको छ ।
मतदान केन्द्रमा मतदाताहरुको उत्साहजनक सहभागी रहेको छ ।
प्रकाशित मिति : २०७९ बैशाख ३० गते शुक्रवार
