दाङ,चैत २० । दाङमा इनारमा हामफाल्दा एक जनाको मृत्यु भएको छ ।
मृत्यु हुनेमा घोराही उपमहानगरपालिका–२ रामपुर निमोरिया निवासी ३४ वर्षिय होमनारायण चौधरी रहेका छन् ।
चौधरीले आइतबार बिहान साढे ८ बजे ईनारमा हामफालेको देखेपछि स्थानियले प्रहरीलाई खबर गरेका थिए ।
त्यसपछि नेपाली सेना र प्रहरी टोली घटना स्थलमा पुगेर ईनारबाट शव निकाल्ने काम भइरहेको नेपाली सेना रणसिंह दल गणका प्रमुख सेनानी रविन्द्र महर्जनले जानकारी दिए ।
इनारमा पानी करिब २५ फिट भएपनि पानी धेरै भएकोले शव निकाल्न समय लागेको प्रमुख सेनानी महर्जनले बताए ।
गाँउमा थाहा पाएपछि छानबिन गर्न बैठक बोलाउदा उनी त्यसबाट बच्नका लागि इनारमा हामफालेको हुन सक्ने प्रहरीको भनाई छ ।
प्रकाशित मिति : २०७८ चैत्र २० गते आइतवार
