तुलसीपुर, भदौ २३ । भदौ २१ र २२ गते सम्पन्न नेपाली काँग्रेसको १४औं महाधिबेशनबाट दाङका केही पत्रकारहरु क्षेत्रीय प्रतिनिधिमा निर्वाचित भएका छन् ।
घोराही उपमहानगरपालिका वडा नं। १० बाट नेपाल पत्रकार महासंघका दाङ शाखा सचिव आरके सितल भदौ २१ गते नेतृत्व चुन्न भएको मतदानबाट निर्वाचित भएका छन् ।
महासंघका दाङ शाखा कोषाध्यक्ष शरद रेग्मी तुलसीपुर उपमहानगरपालिका वडा नं. ११ बाट भदौ २१ गते भएको मतदानबाट निर्वाचित भएका छन् ।
नेपाल पत्रकार महासंघ दाङका पूर्व अध्यक्ष सुदीप गौतम घोराही १२ बाट क्षेत्रीय प्रतिनिधिमा मतदान मार्फत निर्बाचित भएका छन् ।
मतदान बाटै तुलसीपुर उपमहानगरपालिका वडा नं. ५ का वडा सदस्य सुरेशकुमार श्रेष्ठ भदौ २२ गते क्षेत्रीय प्रतिनिधिमा निर्वाचित भएका छन् ।
पत्रकार महासंघ दाङका साधारण सदस्य भरतराज शर्मा तुलसीपुर ३ बाट मतदान मार्फत, पत्रकार प्रेम तिवारी तुलसीपुर ३ मा वडा सचिव सर्वसहमतिमा, तुलसीपुर ४ बाट बालाराम खड्का क्षेत्रीय प्रतिनिधि (सर्वसहमतिमा) , बिगत केही बर्षदेखि होटेल ब्यबसाय सञ्चालन गर्दै आएका देबिराम कुसारी दंगिशरण २ बाट मतदान मार्फत, घोराही १६ बाट सपना बोहरा (सर्वसहमतिमा), घोराही ६ बाट पत्रकार पिताम्बर रिजाल (सर्वसहमतिमा)लमही नगरपालिका वडा नं.७ का किरण बिक्रम शाह (सर्वसहमतिमा) लमही ९ बाट प्रिया स्मृती गजमेर (सर्वसहमतिमा) क्षेत्रिय प्रतिनिधि र लमही ७ को वडा सदस्यमा टेकबहादुर पुन (सर्वसहमतिमा)मा निर्वाचित भएका छन् ।
त्यस्तै लमही १ बाट पत्रकार मुरारीकुमार शर्मा क्षेत्रीय प्रतिनिधिमा पराजित भएका छन् । उनी नेपाल प्रेस युनियनका पूर्व केन्द्रीय अध्यक्षपनि हुन ।
पत्रकार नै नेपाली काँग्रेसको १४औं महाधिबेशनमा सहभागी भइ निर्वाचित भएपछि त्यसको पक्ष र बिपक्षमा टिकाटिप्पनीहरु हुन थालेका छन् ।
