मृतक मध्ये हालसम्म पाँच जनाको सनाखद

दाङ, पुस ७ ।

दाङमा शुक्रवार दिउँसो भएको बस दुर्घटनामा परि मृत्यु भएका २२ जना मध्य ५ जनाको सनाखद भएको छ ।

दुर्घटनामा परि दाङको घोराही उपमहानगरपालिका वडा नं. १७ स्थित गैरागाउँमा सञ्चालनमा रहेको सहिद कृष्णसेन इच्छुक बहुप्राविधिक शिक्षालयमा अध्यनरत विद्यार्थी घोराही उपमहानगरपालिका वडा नं. १४ निवासी १७ बर्षीय बिजय जीएम, उक्त शिक्षालयका शिक्षकहरु दाङको घोराही उपमहानगरपालिका वडा नं. १७ का २८ बर्षीय प्रदिप घिमिरे र पूर्वी रुकुमको भूमे गाउँपालिका वडा नं. ६ निवासी २८ बर्षीय नरेश वलीको मृत्यु भएको ईलाका प्रहरी कार्यालय तुलसीपुरका प्रमुख एवं डिएसपी प्रेमहादुर शाहीले जानकारी दिए ।

त्यस्तै दुर्घटनामा परि बसका चालक दाङको घोराही उपमहानगरपालिका वडा नं. ३ निवासी ३२ बर्षीय मदन केसीको पनि मृत्यु भएको ईप्रका तुलसीपुरका प्रमुख शाहीले जानकारी दिए । त्यस्तै दाङको दंगिशरण गाउँपालिका निवासी ३० बर्षीय सञ्जित रत्गैयाको मृत्यु भएको भएपनि चौधरीको बारेमा थप जानकारी हुन नसकेको शाहीले जानकारी दिएका छन् ।

डिएसपी शाहीले शनिवार विहान ८ बजेसम्म पाँच जनाको मात्रै सनाखद हुन सकेको र अन्य १७ जना मृतकको सनाखद हुन बाँकी रहेको जानकारी दिएका हुन । उनले सबैको सनाखद गर्न शनिवार दिनभर लाग्ने जानकारी दिएका छन् । अन्य १७ जना मृतकको शव राप्ती अंचल अस्पताल तुलसीपुुरको शव गृहमा राखिएको छ । २२ जना मृतक मध्य ४ महिला र १८ पुरुष रहेका छन् । यो खवर तयार पार्दा सम्म महिला कसैको पनि सनाखद हुन सकेको छैन ।

बसमा शिक्षालयका ३४ जना विद्यार्थी, २ जना शिक्षक र १ जना चालक गरि ३७ जना यात्रारत रहेको प्रहरीले जानकारी दिएको छ । सल्यानको अवलोकन भ्रमण बाट आउँदै गरेको विद्यार्थी र शिक्षक सवार बा ४ ख ९७६६ नम्बरको बस शुक्रवार दिउँसो साढे ४ बजेरित तुलसीपुर उपमहानगरपालिका वडा नं. ३ को राम्री र हर्नेटी भन्ने स्थानको बीचभागको जंगलमा दुर्घटनामा परेको थियो ।

त्यसमा परि २२ जनाको मृत्यु भएको छ भने १५ जना घाइते भएका छन् । घटनास्थलमै २१ जनाको र एकजनाको राप्ती अंचल अस्पतालमा उपचारका क्रममा मृत्यु भएको थियो ।

सबै घाइते बाँके रेफर

१५ जना घाइते मध्ये सबैलाई गएराति नै राप्ती अंचल अस्पताल तुलसीपुरको प्रारम्भिक उपचारक पछि थप उपचारको लागि बाँकेस्थित कोहलपुर मेडिकल कलेजमा रेफर गरिएको प्रहरीले जानकारी दिएको छ ।

दुर्घटनाका १५ जना घाइतेहरुको नाम र ठेगाना

उक्त बस दुर्घटनामा परि घाइते भएका १५ जना मध्य १० जना पुरुष र ५ जना महिला रहेका छन् ।

१) जुम्ला जिल्लाको तातोपानी गाउँपालिका वडा नं. १४ निवासी १८ बर्षीया छात्रा मिहाली हमाल

२) जुम्ला जिल्लाको चन्दननाथ गाउँपालिका वडा नं. ३ निवासी १६ बर्षीय कुसेन्द्र खत्री

३) दाङको घोराही उपमहानगरपालिका वडा नं. १५ रतनपुर निवासी १७ बर्षीया समिक्षा रोकाया

४) अछाम जिल्लाको मंगलसेन नगरपालिका वडा नं. १८ निवासी विक्रम भण्डारी

५) रुकुम जिल्लाको त्रिवेणी गाउँपालिका वडा नं. ३ निवासी १६ बर्षीय प्रेमबहादुर खड्का

६) दाङको घोराही उपमहानगरपालिका वडा नं. १९ स्यूजा निवासी १७ बर्षीया मुनुका रिजाल

७) जुम्ला जिल्लाको चन्दननाथ गाउँपालिका वडा नं. २ निवासी १७ बर्षीय जीवन भण्डारी

८) जुम्लाको जिल्लाको चन्दननाथ गाउँपालिका वडा नं. ४ निवासी १६ बर्षीया पर्शा रोकाया

९) अछाम जिल्लाको मंगलसेन नगरपालिका निवासी १९ बर्षीय युवराज ढुँगाना

१०) रुकुम जिल्लाको सानोभेरी गाउँपालिका वडा नं. ३ निवासी १६ बर्षीया रोजिना पुन