तुलसीपुर, जेठ ५ । सामुदायिक वन उपभोक्ता महासंघ र ग्रिन फाउण्डेसन नेपालले तुलसीपुर मेट्रो अस्पताललाई अक्सिजन दशवटा कन्सट्रेटर सहयोग गरेको छ ।
अक्सिजनको चरम अभावका कारण कोरोना संक्रमित बिरामीलाई उपचारमा समस्या भएपछि कन्सट्रेटर सहयोग गरेको सामुदायिक वन उपभोक्ता महासंघ नेपालका केन्द्रीय अध्यक्ष भारती पाठकले जानकारी दिए ।
काठमान्डौबाट दाङको तुलसीपुर उपमहानगरपालिका–८ स्थित अश्वारामा रहेको तुलसीपुर मेट्रो अस्पतालमा पुगेर वन महासंघका केन्द्रीय उपाध्यक्ष भिमप्रकाश खड्काले तुलसीपुरका नगर प्रमुख घनश्याम पाण्डेलाई ती सामाग्री हस्तान्तरण गरेका हुन ।
कोरोना महामारीको समयमा अक्सिजनको अभावमा कुनैपनि नागरिकले अकालमा ज्यान गुमाउनु नपरोस भन्ने उद्देश्य राखेर कन्सट्रेटर उपलब्ध गराएको उपाध्यक्ष खड्काले बताए ।
उद्देश्यका अनुरुप ती उपकरण उपयोगमा ल्याउन उनले अस्पताल प्रशासनलाई आग्रह गरे ।
मेट्रो अस्पतालमा हाल २१ जनासंक्रमितको उपचार भइरहेको छ ।
कन्सटे«टर सहयोग गरेकोमा सामुदायिक वनका उपाध्यक्ष खड्कालाई नगर प्रमुख पाण्डेले धन्यवाद दिएका थिए । ती कन्सटे«टरले प्रति मिनेट ४ लिटरसम्म अक्सिजन उत्पादन गर्ने जानकारी दिइएको छ ।
