तुलसीपुर, बैशाख ३० । दाङका थप ८ जना कोरोना संक्रमितको मृत्यु भएको छ । मृत्यु हुनेमा तुलसीपुर उपमहानगरपालिकाका ७ जना र घोराहीका १ जना रहेका छन् ।
७ जनाको अस्पतालमा र एक जना होम आइशोलेशन मृत्यु भएको छ ।
बिहीबार बेलुका पौने ७ बजे तुलसीपुर उपमहानगरपालिका वडा नं. ९ की ३४ बर्षीया महिलाको मृत्यु भएको छ । अस्पतालका ब्यबस्थापक द्रोर्ण वलीका अनुसार ती महिला बैशाख १८ गतेदेखि अस्पतालमा उपचाररत थिइन ।
त्यसअघि कोरोना विशेष अस्पताल बेलझुण्डीमा उपचाररत तुलसीपुर १९ का ४९ बर्र्षीय महिलाको बिहीबार बिहान १ बजे उपचारको क्रममा मृत्यु भएको थियो ।
त्यस्तै तुलसीपुर उपमहानगरपालिकाले सञ्चालन गरेको मेट्रो सिटी अस्पताल अश्वारमा उपचाररत तुलसीपुर ७ का ६२ वर्षीय पुरुष र वडा नंम्वर १२ का ६७ वर्षीय पुरुषको मृत्यु भएको छ । राप्ती प्रादेशिक अस्पताल तुलसीपुरमा उपचाररत तुलसीपुर ८ का ३० वर्षीया महिलाको मृत्यु भएको छ ।
त्यस्तै बाँकेमा तुलसीपुरका थप दुई जनाको उपचारका क्रममा बाँकेमा मृत्यु भएको छ ।
तुलसीपुर ५ की ३५ बर्षीया महिलाको नेपालगञ्ज मेडिकल कलेज कोहलपुरमा बिहान साढे ५ बजे मृत्यु भएको थियो ।
बाँकेका कोरोना फोकल पर्सन तेज वलीका अनुसा तुलसीपुर ६ का ४३ बर्षीय पुरुषकोपनि उपचारका क्रममा कोहलपुरमा मृत्यु भएको छ ।
त्यस्तै होम आईशोलेशनमा बसेका घोराही ९ का ३३ वर्षीय पुरुषको मृत्यु भएको हो । दाङमा बैशाख महिनामा मात्रै कोरोना संक्रमित ९७ जनाको मृत्यु भएको छ ।
