काठमाडौं, वैशाख २५ । पछिल्लो २४ घन्टामा ८ हजार ४१८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार १७ हजार ३१५ नमुनाको पीसीआर परीक्षण गर्दा ८ हजार २८७ जना र ९८९ जनाको एन्टिजेन परीक्षण गर्दा १३१ जनामा कोरोना भाइरसको संक्रमण देखिएको हो ।
योसँगै नेपालमा सक्रिय कोरोना संक्रमितको संख्या ८३ हजार ४९३ पुगेको छ भने कुल संक्रमित ३ लाख ८५ हजार ८९० जना पुगेका छन् ।
पछिल्लो २४ घण्टामा ३ हजार ३७० जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ९८ हजार ७६५ पुगेको छ ।
यस्तै पछिल्लो २४ घन्टामा कोरोना संक्रमणबाट देशभर थप ५३ जनाको मृत्यु भएको छ । यो संगै मृत्यु हुने संक्रमितको संख्या ३ हजार ६३२ पुगेको छ ।
प्रकाशित मिति : २०७८ बैशाख २५ गते शनिवार