दाङ, बैशाख २४ । नेपालगञ्जमा कोरोना संक्रमनबाट तीन दिनमा तीन दाजु भाइको मृत्यु भएको छ ।नेपालगञ्ज उपमहानगरपालिका वडा नं. ३ सुनार मन्दी टोलमा बस्ने तीन दाजु भाइको लगातार तीन दिनमा भेरी अस्पतालमा मृत्यु भएको हो ।
कान्छो भाइ ४२ बर्षीय जहिर अहमदको बुधबार बेलुका ७ बजेतिर, ५४ बर्षीय राईलो एजाज अहमतको बिहीबार बेलुका ७ बजेतिर र काँईलो इम्तियाज महमदको शुक्रबार बिहान साये १० बजेतिर मृत्यु भएको नेपालगञ्ज ३ का वडाध्यक्ष महोमद अयुब शिद्धिकीले जानकारी दिए ।
उनीहरु सबै संगै बस्दै आएका थिए । सात दाजु भाइ मध्य तीन दाजु भाइको मृत्यु भएपछि अब चार दाजु भाइ बचेको शिद्धिकीेले बताए ।
वडाध्यक्ष शिद्धिकीका अनुसार मृतक तीन दाजु भाइले नेपालगञ्जमा रंगरोगनको काम गर्दै आएका थिए ।
तीन दाजु भाइको मृत्युले परिवारमा ठूलो बज्रपात परेको वडाध्यक्ष शिद्धिकीले बताए ।
प्रकाशित मिति : २०७८ बैशाख २४ गते शुक्रवार
