दाङ, पुस २८ । बाँकेमा सहोदर दाजुले भाइलाई लाठी प्रहार गरि जंगलमा हत्या गरेका छन् । बाँकेको नरैनापुर गाउँपालिका वडा नं. ४ का ३० बर्षीय इशराईल खाँले आफ्नै सहोदर भाइ १७ बर्षीय रहिस खाँलाई जंगलमा लाठी प्रहार गरि हत्या गरेको प्रहरीले बताएको छ ।
जिल्ला प्रहरी प्रमुख एसपी ओमबहादुर रानाले घरायसी बिबादका कारण इशराईलले भाइ सहिसलाई वनमा लगेर नियोजित तरिकाले हत्या गरेको जानकारी दिए । स्थानीय बारसी बाबा सामुदायिक वनमा गएको समयमा सोमबार बेलुका पौने ५ बजेतिर दाजुले भाइलाई नियोजित तरिकाले पछाडिबाट लाठीले टाउकोमा प्रहार गर्दा घटनास्थलमै भाइको मृत्यु भएको एसपी रानाले बताए ।
घटना पछि फरार इशराईललाई इलाका प्रहरी कार्यालय भगवानपुरबाट खटिएको प्रहरीले घोरघरैया नाकाबाट पक्राउ गरेको थियो । पक्राउ परेका इशराईल उपर थप अनुसन्धान भइरहेको एसपी रानाले जानकारी दिए ।
प्रकाशित मिति : २०७७ पुष २८ गते मङ्गलवार
