लक्ष्मण बस्नेत,तुलसीपुर,पुस १३ । दाङको तुलसीपुरमा खुला भलिबल प्रतियोगिता २०७७ हुने भएको छ ।
स्वतन्त्र युवा क्लव तुलसीपुर ६ राजापुरको आयोजनामा सञ्चालन हुन लागेको प्रतियोगिता यही पुस २३ गतेदेखि सुरु हुुनेछ ।
स्थानिय स्तरमा भलिबल खेलको पहुँच अभिवृद्धि गर्दै प्रतिभावान खेलाडीको पहिचान र बिकासमा टेवा पुर्याउने गर्ने मुख्य उद्देश्यका साथ आयोजना गरिएको प्रतियोगितामा लुम्बिनी प्रदेश लगाएत अन्य प्रदेशका सशक्त भलिबल टिमको सहभागिता रहने क्लबका अध्यक्ष संदीप गौतमले जानकारी दिए ।
बिश्वब्यापी रुपमा फैलिएको कोरोना भाईरसका कारण ठप्प बनेको जिल्लाको खेल गतिबिधीलाई चलाएमान बनाउन सुरक्षा सम्बन्धित सम्पुर्ण मापदण्ड अपनाउदै तुलसीपुर ५ मा रहेको अरनिको खेल मैदानमा प्रतियोगिता सञ्चालन गरिनेछ ।
प्रतियोगिताको बिजेता टिमले नगद ५० हजार,कप, मेडल,प्रमाणपत्र हात पार्नेछ । त्यस्तै उप–बिजेता टिमले नगद २५ हजार तथा प्रमाणपत्र र तृतिय हुने टिमले नगद १५ हजार, प्रमाणपत्र हात पार्ने प्रतियोगिता सञ्चालक समितिका संयोजक एच.आर.मगरले जानकारी दिए ।
यसैबिच उक्त प्रतियोगिताको तयारी तिब्र भैरहेको आयोजकले जनाएको छ ।
