दाङ, मंसिर २२ । महाकाली राजमार्गमा आइतवार राति ट्रक दुर्घटना हुँदा तीन जनाको घटनास्थलमै मृत्यु भएको छ। ट्रक चालक बैतडीको दोगडाकेदार गाउँपालिका–५ न्वालीका २४ वर्षीय शेरसिंह कार्कीसहित तीन जनाको मृत्यु भएको जिल्ला प्रहरी कार्यालय बैतडीले जानकारी दिएको छ ।
थप दूई जना मृतकको भने यो खवर तयार पार्दासम्म सनाखद हुन नसकेको प्रहरीले जनाएको छ ।
राजमार्ग अन्तर्गत गोकुलेश्वर–दार्चुला सडकखण्डको मालिकार्जुन गाउँपालिका–१ भर्तौलामा ना ३ ख ३४८५ नम्बरको ट्रक दूर्घटनामा परि उनीहरुको मृत्यु भएको प्रहरीले जानकारी दिएको छ ।
गोकुलेश्वरबाट दार्चुला सदरमुकाम खलङ्गातर्फ गइरहेको उक्त ट्रक आइतवार राति सवा १० बजे दुर्घटनामा परेको प्रहरीले जानकारी दिएको छ । ट्रक सडकबाट झण्डै एक सय मिटर जति तल खसेको प्रहरीले जानकारी दिएको छ । ट्रकमा तीन जना मात्रै सवार थिए ।
प्रकाशित मिति : २०७७ मङ्सिर २२ गते सोमवार
