दाङ,कात्तिक २३ । दूर्घटनामा परि जीप चालक रोल्पाको गंगादेव गाउँपालिका वडा नं. ७ बथानका ३५ वर्षीय भिमबहादुर ओली, गँगादेव – ५ निवासी ६५ वर्षीय गंजबहादुर बुढा र दाङको बबई गाउँपालिकका वडा नं. २ पंचकुले निवासी १७ वर्षीय भिमराज बुढाको घटनास्थलमै मृत्यु भएको सल्यानका प्रहरी प्रमुख डिएसपी गोविन्द थापाले जानकारी दिए ।
जीपमा जम्मा ७ जना सवार थिए । अन्य ४ जनाको अवस्था भने सामान्ने रहेको छ । उकालोमा चढ्न नसकेर जीप ब्याक भएर दूर्घटनामा परेको थियो । हाम फाल्न नसकेका र जीपमै रहेका थप तीन जनाको भने घटनास्थलमै मृत्यु भएको डिएसपी थापाले बताए ।
सल्यानका प्रहरी प्रमुख डिएसपी गोविन्द थापाले उकालोमा जीप व्याक भएपछि चार जना यात्रु हाम फालेर ज्यान जोगाउन सफल भएको जानकारी दिए ।
सल्यान र रोल्पाको सिमाना सल्यानको छत्रेश्वरी गाउँपालिका वडा नं. ४ तिबाङधुरीमा शनिवार बेलुका साढे ५ बजेरित जीप ब्याक भएपछि दूर्घटना भएको जिल्ला प्रहरी प्रमुख डिएसपी थापाले जानकारी दिए ।
जीप सडकदेखि अन्दाजी डेढ सय मिटर तल पुगेको उनले बताए । शनिवार दिउँसो तुलसीपुरवाट छुटेको लु १ ज २९११ नम्बरको डबलक्याप जीप सल्यानको कपुरकोट हुँदै रोल्पाको झ्यामबाट राँक जाँदै थियो ।
