२०८१ चैत्र ६ गते बुधवार

रुकुमका ३३ बर्षीय कोरोना संक्रमित पुरुषको बाँकेमा मृत्यु

दाङ,असोज ३० । रुकुमका ३३ बर्षीय एकजना कोरोना संक्रमित पुरुषको शुक्रवार बाँकेमा उपचारका क्रममा मृत्यु भएको छ । रुकुम पश्चिमको चौरजाहारी नगरपालिका वडा नं. १४ निवासी ३३ बर्षीय पुरुषका शुक्रवार विहान ५ बजेतिर नेपालगञ्ज मेडिकल कलेज कोहलपुरमा मृत्यु भएको बाँके जिल्लाका कोरोना फोकल पर्सन नरेश श्रेष्ठले जानकारी दिए ।

स्वास्थ्यमा समस्या उत्पन्न भएपछि उनी असोज २१ गते भर्ना भएका थिए । उनलाई असोज २२ गते कोरोना संक्रमन पुष्टि भएको थियो । बुधवार रातिपनि बाँकेका अर्का एकजना संक्रमित पुरुषको मृत्यु भएको थियो । भेरी अस्पताल नेपालगञ्जमा उपचाररत बाँकेको जानकी गाउँपालिका वडा नं. ६ प्रजातीपुरका ६५ वर्षीय पुरुषको बुधवार राति १० बजे मृत्यु भएको फोकल पर्सन श्रेष्ठले बताए ।

यो संगै बाँकेमा हालसम्म ४० जनाको कोरोनाका कारण मृत्यु भइसकेको छ । मृतक मध्य १५ महिला र २५ पुरुष रहेका छन् । फोकल पर्सन श्रेष्ठका अनुसार बाहिरी जिल्लाबाट ट उपचारका लागि ल्याइएका मध्य १३ जना र बाँके जिल्लाका २७ जनाको मृत्यु भएको छ ।

प्रकाशित मिति : २०७७ असोज ३० गते शुक्रवार
प्रतिक्रिया दिनुहोस

Leave a Reply

Your email address will not be published. Required fields are marked *