असोज १५ ।कर्णाली प्रदेश अस्पताल सुर्खेतका बरिष्ठ अर्थोपेडिक सर्जन डा. हरि सापकोटाको कोरोना संक्रमणबाट मृत्यु भएको छ । बाँकेको खजुरागाउँपालिका–३ निवासी ५९ वर्षीय सापकोटा स्वास्थ्य सेवाका ११ औं तहका चिकित्सक हुन् ।
बाँकेको भेरि अस्पताल, नेपालगंजमा उपचार भइरहेको अवस्थामा उनको बिहीबार मृत्यु भएको हो । सुर्खेतमा भदौ २९ गते पीसीआर जाँचगर्दा उनमा कोरोना पुष्टि भएको थियो । उनको स्वास्थ्य थप समस्या आएपछि भेरी अस्पताल नेपालगंजमा असोज १ गते भर्ना गरिएकोथियो ।
उनको प्लाज्मा थेरापी विधिबाटसमेत उपचार गरिएको थियो । सबै किसिमका उपचार विधि अपनाए पनि उनलाई बचाउननसकिएको र बिहीबार दिउँसो भेन्टिलेटरमा उपचारकै क्रममा ३ः१० बजे मृत्यु भएको बाँकेका कोरोना फोकल पर्सन नरेशबाबु श्रेष्ठलेजानकारी दिए ।
सापकोटाको दुबैतर्फको फोक्सोमा निमोनिया थियो । त्यस्तै, श्वासप्रश्वास, ज्वरो, रुघाखोकीसमेत भएको अस्पताल स्रोतले बताएको छ। योसँगै बाँकेमा मृतकको संख्या १८ पुगेको छ । बाँकेमा बिहीबारमात्रै नेपालगञ्ज उपमहानगरपालिका–४ का ५२ वर्षीय पुरुष र सुर्खेतघर भएकी ७५ वर्षीया महिलाको पनि कोरोनाबाट मृत्यु भएको थियो ।
