२०८१ बैशाख १३ गते बिहिवार

मेयर तथा उपमेयर कप क्रिकेट प्रतियोगिता हुँदै

नेपालगञ्ज ,माघ २० । नेपालगञ्जमा मेयर तथा उपमेयर कप क्रिकेट प्रतियोगिता हुने भएको छ।

बाँके जिल्ला क्रिकेट संघको आयोजना तथा नेपालगञ्ज उपमहानगरपालिकाको सहयोगमा मेयर कप पुरुष र उपमेयर कप महिलाको प्रतियोगिता हुन थालेको हो।

संघका अध्यक्ष सरोबर प्रसाईका अनुसार, पुरुषका बीचमा हुने मेयर कपमा २२ वटा टीमले भाग लिएका छन् भने महिलाको उपमेयर कपमा ६ वटा टीमले भाग लिएका छन्।

मेयर कपको विजेताले ७५ हजार र उपविजेताले ३५ हजार तथा उपमेयर कपको विजेताले २५ हजार र उपविजेताले १५ हजार र ट्रफी पाउने अध्यक्ष प्रसाईले जानकारी दिए।

प्रतियोगितामा दुवैतर्फका प्लेयर अफ द सिरिजलाई ११ हजार र ट्रफी तथा प्रत्येक म्याचका प्लेयर अफ द म्याचलाई एक हजार पुरस्कार राखिएको छ।

मंगलप्र्रसाद स्कूलको खेल मैदानमा हुने प्रतियोगितामा मेयर कपमा ६ वटा विद्यालय र १६ वटा क्लव तथा उपमेयर कपमा ६ वटा विद्यालयले भाग लिएका छन्।

पत्रकार सम्मेलनमा संघका उपाध्यक्ष सुफियान खान पठान, प्राविधिक संयोजक मनमोहन लम्साल, क्यानका पूर्व केन्द्रीय सदस्य सुनिलसिंह हमाललगायतको उपस्थिति थियो।

प्रकाशित मिति : २०७९ माघ २० गते शुक्रवार
प्रतिक्रिया दिनुहोस

Leave a Reply

Your email address will not be published. Required fields are marked *