सुनको मूल्य स्थिर

काठमाडौं, चैत १ । साताको चौँथो कारोबार दिन बुधबार नेपाली सुनचाँदी बजारमा सुनको मूल्य स्थिर रहेको छ।

केहीदिन यता लगातार बढिरहेको सुनको भाउ आज चैत १ गते बुधबार भने स्थिर रहेको हो।

नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला १ लाख ५ हजार ७ सय रुपैयाँ कायम छ। यसैगरी, तेजावी सुनको मूल्य तोलाको १ लाख ५ हजार २ सय रुपैयाँ कायम छ।

यता, आज चाँदीको भाउ पनि स्थिर रहेको छ। बुधबार चाँदीको भाउ १३ सय रुपैयाँ कायम रहेको छ। यसअघि मंगलबार सुनको भाउ तोलामा १६ सय रुपैयाँले बढेको थियो।