जुम्ला,बैशाख २ । जुम्लामा दुई दिनदेखि इन्टरनेट सेवा बन्द भएको छ ।
इन्टरनेट बन्द हुँदा सरकारी कामकाजदेखि अन्य काम प्रभावित भएको छ । मोबाइल डाटा पनि नचल्दा सेवाग्राही मर्कामा परेका छन् ।
नेपाल पत्रकार महासङ्घ शाखा जुम्लाका उपाध्यक्ष दिलमाया शाहीले इन्टरनेट नहुँदा समाचार पठाउन समेत सकस भइरहेको जानकारी दिए ।
नेपाल टेलिकम कार्यालय जुम्लाका प्रमुख रामचन्द्र श्रेष्ठका अनुसार दैलेखको रातालाग्नादेखि कालीकोटको भर्ताबीचमा समस्या आएको छ ।
अहिले समस्या देखिएको ठाउँमा टेलिकमको टोली पुगिसकेको र काम थालेको उनले जानकारी दिए ।
प्रकाशित मिति : २०७९ बैशाख २ गते शुक्रवार
