हुम्ला,भदौ ८ । अविरल वर्षासँगै आएको बाढीले बगाउँदा हुम्लामा घट्ट बगाउँदा एक जना बेपत्ता भएका छन् । सर्केगाड गाउापालिका–२ मा रहेको रिपगाड खोलामा बाढी आउँदा पानी घट्ट बगाउँदा एक जना बेपत्ता भएका छन् ।
बेपत्ता हुनेमा सर्केगाड गाउँपालिका–२ रिपगाउँका ५० वर्षीय मनऋषि जैसी छन् । उनी रिपगाड खोलामा रहेको घट्टमा अन्न पिसानीका लागि गएको बेला बगाएको जिल्ला प्रहरी कार्यालय हुम्लाले जनाएको छ ।
तर अन्न पिसानी लागि गएका स्थानीय बेलुन्दार कार्की, बाँचु रावत र विजन रावत भागेर ज्यान जोगाएका छन् । खोलामा आएको बाढीले घट्टसहित ३० बोरा अन्न पनि बगाएको छ ।
बिहिबार रातीदेखि निरन्तर परेको अविरल वर्षा कारण खोलामा बाढीको बहावले घट्टसहित एक जना बेपत्ता भएको स्थानीय विजय महताराले जानकारी दिए । उनकाअनुसार स्थानीयको अन्न पिसानीको एक मात्र विकल्पका रुपमा घट्टमा लगिएको गहुँ, कोदो, मकै लगायतका ३० बोरा अन्न बगाएको छ ।
रिपगाड खोलामा रहेको लघु जलविद्युत पनि बाढीले बगाएको छ। बाढी कारण जलविद्युतको नहर, पाइप, र खोेला तर्न निर्माण गरिएको काठेपुलसमेत बगाएको छ ।
