तुलसीपुर,साउन २१ । थर्ड आई नेपालले प्रथम बार्षीक उत्सव मनाएको छ । संस्थाले बार्षीकत्सवका अवसरमा तुलसीपुरमा एक कार्यक्रमको आयोजना गरि रक्तदान कार्यक्रम सम्पन्न गरेको छ ।
कार्यक्रममा सचिव सन्तोष लामिछानेले संस्थाले स्थापनाकालदेखि महिलाहरुको लागि आत्मसुरक्षा तालिम, बलात्कार र महिला हिँसा विरुद्ध राष्ट्रिय जनचेतना अभियान,नियमित रक्तदान कार्यक्रमहरु सञ्चालन गर्दै आएको बताए ।
उनले बार्षीक उत्सवको अवसरमा आयोजित रक्तदान कार्यक्रममा २८ पिन्ट रगत संकलन गरिएको बताए ।
रगत अभावका कारण कुनै पनि व्यक्तिको ज्यान जोखिममा रहनु हुँदैन भन्ने धारणा सहित उक्त कार्यक्रम गरिएको संस्थाका कोषाध्यक्ष रेशम नेपालीले बताए ।
थर्ड आई नेपाल दाङका अध्यक्ष बसन्त गिरीको अध्यक्षतामा उक्त कार्यक्रम भएको हो ।
प्रकाशित मिति : २०८० साउन २१ गते आइतवार
