दाङ, बैशाख २३ । अझै दुई दिन वर्षा हुने प्रक्षेपण गरिएको छ ।
जल तथा मौसम विज्ञान विभागले बिहीबारसम्म पानी पर्ने प्रक्षेपण गरेको हो । बुधबार देशका पहाडी भूभागमा मध्यम वर्षा हुने देखिएको छ ।
मंगलबार बिहान एक घन्टाको अवधिमा दाङको पदमपुर क्षेत्रमा ८.२ मिलिमिटर वर्षा भएको छ । लुम्बिनी प्रदेशका केही स्थानमा हल्कादेखि मध्यम वर्षा हुने संभावना औंल्याइएको छ ।
लुम्बिनीका साथै कोशी, मधेस, बागमती र गण्डकी प्रदेशहरुमा बर्षाको संभावना औंल्याइएको छ ।
पछिल्लो समय बंगालको खाडीबाट उच्च जलवाष्पयुक्त हावा र अरब सागरबाट पनि जलवाष्पयुक्त हावा आइरहेको मौसम बिभागले जानकारी दिएको छ ।
प्रकाशित मिति : २०८२ बैशाख २३ गते मङ्गलवार
