तुलसीपुर, वैशाख ९ । दाङ प्रहरीले जवरजस्ती करण मुद्दाका एक जना फरार अभियुक्तलाई बिहीवार पक्राउ गरेको छ । राप्ती गाउँपालिका वडा नं. ३ का २८ बर्षीय अर्जुन विक बिहीवार दिउँसो घोराहीबाट पक्राउ परेका हुन ।
बिकमाथि गत बर्ष साउन १६ गते जवरजस्ती करण गरेको अभियोगमा प्रहरीमा मुद्दा दायर भएको थियो । त्यसपछि बिक फरार रहँदै आएका थिए ।
बिकलाई पक्राउ पछि बिहीवार नै दाङ देउखुरी जिल्ला अदालतमा उपस्थित गराइएको जिल्ला प्रहरी प्रबक्ता डिएसपी मुकुन्दप्रशाद रिजालले जानकारी दिएका छन् ।
प्रकाशित मिति : २०७८ बैशाख ९ गते बिहिवार
