दाङ, बैशाख ९ । बाँकेमा बिहीवार बिहान थप एक जना कोरोना संक्रमितको मृत्यु भएको छ । नेपालगंज उपमहानगरपालिका वडा नं. १७ बाँके निवासी ८६ वर्षीया महिलाको नेपालगंज मेडिकल कलेज कोहलपुरमा उपचारका क्रममा मृत्यु भएको छ ।
उनको बिहान २ बजेर १५ मिनेटमा मृत्यु भएको बाँकेका कोरोना फोकल पर्सन तेज वलीले जानकारी दिए ।यो सँगै बाँकेमा कोरोनाका कारण मृत्यु हुनेको संख्या ६७ पुगेको छ ।
त्यस्तै पछिल्लो पिसिआर परीक्षणको रिपोर्ट अनुसार थप २७० नयाँ कोरोना संक्रमित थपिएका छन । भेरी अस्पताल नेपालगञ्जमा गरिएको परीक्षणको रिपोर्ट बिहीबार बिहान सार्वजानिक भएसँगै बाँकेमा थप २७० नयाँ संक्रमित फेला परेका हुन ।
त्यस्तै बुधबार बेलुका नेपालगञ्ज मेडिकल कलेजको ल्यावमा गरिएको परीक्षणका क्रममा ६६ जनामा कोरोना संक्रमण पुष्टि भएको थियो भने भेरी अस्पतालको ल्यावमा २०४ जनामा कोरोना संक्रमण पुष्टि भएको थियो ।
मेडिकल कलेजमा १३४ जनाको स्वाव परीक्षण गर्दा ६६ जनामा र भेरी अस्पतालमा ३५० स्वाव परीक्षण गर्दा २०४ जनामा कोरोना पुष्टि भएको फोकल पर्सन वलीले जानकारी दिए ।
