काठमाडौं, फागुन १४ । नेपाली कांग्रेसका केन्द्रीय सदस्य नवीन्द्रराज जोशीलाई मस्तिष्कघात भएको छ। ५७ वर्षीय जोशीलाई शुक्रबार बिहान मस्तिष्कघात भएपछि नर्भिक अस्पताल थापाथलीमा उपचार भइरहेको छ।
जोशीको मस्तिष्कमा रगत जमेको र अपरेशन गरिएको चिकित्सकहरूले बताएका छन । शुक्रबार बिहान ३ बजे जोशीको स्वास्थ्यमा समस्या आएको थियो। त्यसपछि जोशीलाई सुरूमा वीर अस्पताल लगिएको थियो।
कांग्रेस सभापति शेरबहादुर देउवाले जोशीको शीघ्र स्वास्थ्य लाभको कामना गरेका छन् । ट्वीट गर्दै उनले शीघ्र स्वास्थ्य लाभको कामना गरेका छन् ।
वरिष्ठ नेता रामचन्द्र पौडेल र पूर्वमहामन्त्री प्रकाशमान सिंह नर्भिक अस्पताल पुगी उनको स्वास्थ्य अवस्था बुझेका थिए ।
प्रकाशित मिति : २०७७ फाल्गुन १४ गते शुक्रवार